ALMERIAKO BIDAIA

Kaixo, berriro ere hemen gaituzue. Bi astez internetik gabe egon gara eta ezin izan dugu blogean idatzi. Almerian izandako esperientziak kontatu nahi dizkizuegu: ASTELEHENA: Dakizuen bezala Maiatzaren 16an Altzoko eskolako 5. eta 6. mailakoak Almeriara joan ginen. Goizean 4:45etan abiatu ginen Altzotik Iruñara. 6:30etan hartu genuen trena Oikakoekin batera: Iñaki, Ibai, Pello, Sambou, Eider eta Iñakirekin(Irakaslea). Madrilera iritsi ginenean Navalcarnerokoak ezagutu genituen eta AVE hartu genuen Malagara joateko, han bazkaldu pixka bat, jolastu eta autobusa hartu genuen Almeriara joateko. Iritsi ginenean gure etxean(eskola bakoitzak bere etxetxoa zeukan) antolatu ginen bost gelatan banatuta. ASTEARTEA: Sorbaseko kobazulo karstikoetara joan ginen. Arratsaldean Garrucha (arrai lonja bat ikusi genuen) eta Mojacar ikusi genituen eta etxera itzuli ginen. ASTEAZKENA: Goizean El Ejidoko negutegiak ikusi genituen eta arratsaldean Los Milares-eko aurkikuntza arkeologikoetara joan ginen. OSTEGUNA: Goizean Andaluziako museo historikoa ikustera joan ginen eta arratsaldean Alhambra ikustera, zoragarria da benetan! OSTIRALA: Goizean Almeria hiria ikusi genuen eta arratsldean Mini Hollywoodera joan ginen, oso ondo pasa genuen. LARUNBATA: Goizean Cabo de Gatara joan ginen eta arratsaldean San Jose herriko hondartzara, horrela, Mediterraneo Itsasoan bainatu ginen. IGANDEA: Igandean gosaldu eta berriro Euskal Herrira itzuli ginen. Esan beharra dugu guretzat esperientzi zoragarria izan dela, aukera handiak eman baitizkigu. Alde batetik, leku oso ezberdinak ezagutu ditugulako, lagun berriak egin ditugulako eta gainera beraiekin harremanetan jartzeko gaztelania erabili izan behar dugulako horrela gehiago ikasi eta praktikatzeko aukera eman digulako. Laburtuz esan behar dugu berriro ere horrelako esperientziak bizitzeko prest gaudela, asko ikasteko aukera ematen digutelako.

HH 4,5 ETA 6 URTEKOAK

KAIXO! ASPALDIAN EZER IDATZI GABE GEUNDEN ETA ARGAZKI BATZUK ERAKUTSI NAHI DIZKIZUEGU. LEHENENGOA KORRIKA EGUNEKOA DA, GURE GELAKO AINHOAK ERAMAN ZUEN TESTIGUA, ETA BESTEAK IPUIN KONTAKETAKOAK DIRA. EA GUSTATZEN ZAIZKIZUEN!

BI EGUN GORLIZEN

Bagoaz hondartzara!! Eguraldi ederra uretan sartzeko!!

Maiatzak 9 astelehena Gorlizeko aterpetxera joan ginen 3.4.5.eta 6.mailako ikasleak. Ekintza asko egin ditugu: bodi board, arkua, eskalada eta kuatrizikloak.

Oso monitore jatorrak izan ditugu eta eguraldi bikaina.

Etxea oso politta da eta gelak asko gustatu zaizkigu.

Merezi du haruntza joatea!!!!

Lehortu eta gero, arkuarekin aritu gara!!

Hemen, bagoaz kuatrizikloekin zirkuitu bat egitera.

Gure Iara hor ibili da, komeritan!!

KAIXO AMEZKETAKO LAGUNAK ZE MODU ZAUDETE
ONDO IBILI AL ZERATE ESKOLAN? LAISTER OPOR AUNDIAK AL DAUZKAZUE?GUK BAI ETA ZUEK?
27 OSTIRALEAN IKUSIKO GARA AMEZKETAN
OSO POZIK GAUDE DENOK
TXOKOLATE ETA LIMOIEZKO ETA MARRUBIZKO ETA NARAJAZKP MUXUAK ZUENTZAT

AZKEN TXANPA

2. Hiruhilbetea amaituta aste santuko opor ederrak izan ditugu eta 3. hiruhilaetea hasi dugu nahiz eta pereza pixka bat eduki. Hala ere irtera asko ditugu: hasteko hurrengo astelehena eta asteartea, maiatzak 9 eta 10 Gorlizen pasako ditugu ;ekintza hauek egingo ditugu:Arkua, Rappela, Body Boarda eta Kuatrizikloa. Maiatzak 11an 1go eta 2.ziklokoak igeriketa ikastaroa hasiko dute maiatzaren amaierararte, baina aurten Tolosan egin beharrean Ordiziako igerilekuan egingo dute. Maiatzak 12an orkestra sinfonikoa entzutera goaz Miramonera Berrobiko ikasleekin batera. Maiatzak 16an berriz 5. eta 6. mailakoak Almeriara jooango gara astea pasatzera ; beste hiru eskola desberdinekin goaz, Madrilgo Navalcarnero, Murtziako Archena eta Oikiako ikasleekin batera. Maiatzak 27an, ostirala, Oreindaingo topaketetara joango gara Alegiko, Amezketako, Abaltzisketako eta Ikaztegietako 5. eta 6. mailako ikasleekin batera. Kurtsoaren bukaeran, Ekainak 22an 2. eta 3. ziklokoak Hossegorreko (Frantzia) Aquaparkera joango gara eta Haur Hezkuntzako eta 1go ziklokoak Donostiako hondartzara joango dira. Eskerrak irteera asko ditugun bestela...

Oikiako lagunak ezagutuz Flyschak ikusi

Apirilaren 10 ean, astelehena, Zumaiara joan ginen Oikiako lagunak ezagutzera eta bidaia aprobetxatuz Zumaiako Flyschak ikusi genituen. Lehenengo,Oikiako lagunak jaso eta autobusean Algorriko museora joan ginen. Han Flyschak zer ziren, nola sortu ziren... azaldu ziguten. Ondoren, Plaza txiki batean hamaiketakoa jan genuen eta jolasten ibili ginen. Hamaiketakoa jan eta gero Flyschak ikustera joan ginen oinez, han gauza interesgarri asko esplikatu zizkigun Ainarak. Flyschak ikusi eta gero San telmo ermitara joan ginen, han jolas batzuk egin genituen: Lehenengo jokua pistak eman eta ze fosil zen asmatu behar genuen eta bigarrena ermitan zeuden fosilak bilatzea izan zen. 12:00ak aldera Itzurun ondartzara joan ginen beste Flysch batzuk ikustera. 13:15etan Oikiara joan ginen bazkaltzera han pixkat futbolean ibili eta bueltatu egin ginen.
Oikiako lagunak oso jatorrak iruditu zaizkigu eta zihur Almerian oso ongi pasako dugula.

OLINPIADA TXIKIAK

OLINPIADAK Apirilak batean Berazubira joan ginen eskola txikien olinpiadetan parte hartzera. 3.,4.,5.eta 6. mailako guztiak joan ginen eskola txiki guztietatik.

Guztien artean 250 ikasle inguru bildu ginen. Jokuak 5 eremu desberdinetan banatu ziren:

- Errelebotan egitekoak, hesien lasterketa, zaku-karrera, koskolen bilketa, 60 metroko lasterketa eta txingak.

- Frontoian, zestapuntan baino txokotan ibili ginen.

- Teniseko pisten inguruan, soka-tiran eta briletean aritu ginen.

- Futbol zelaiaren beste aldean, luzera jauziko saiakerak egin genituen eta baita ere pisu jaurtiketa.

11:00aldera hamaiketakoa banatu ziguten, gailetak eta zumoa.

12:15etan denak bildu eta Berazubiri buelta osoa eman genion korrika.

12:30etan autobusa bila etorri zitzaigun eta etxera bueltatu ginen bazkaltzera.

PRIMERAN PASA GENUEN!!!!!!!!!!

zientzia museora bisita

KUTXA ESPAZIORA BISITA

Martxoaren 31, ostegunean, 2-3 urteko ikasleak izan ezik, zientzia museora joan ginen.

Planetariuma sartu eta ezustea!!!! Zerua ematen zuen.

Bapatean unibertsoari buruzko istorioa entzun genuen.

Egun batean baziren neska bat eta mutil bat unibertsoa ikusi nahi zutenak. Horretarako kartoizko espaziontzia egin zuten.Magia bidez unibertsoa ikusi zuten:planetak,izarrak,galaxiak…

ARTIZARRA

Eguzkitik gertuen dagoen 2. planeta da.

JUPITER

Planetarik handiena da.

LURRA

Planeta honetan gu bizi gara.

MARTE

2 satelite dauzka.

MERKURIO

Eguzkitik gertuen dagoena da.

NEPTUNO

Urdina da.

SATURNO

Izotz eta hautsezko eraztunak ditu.

URANO

Voyager II ak 10 satelite aurkitu zizkion.

Planetarioan sartu aurretik tailer bat egin genuen:

ZENTZUMEN TAILERRA

1. USAIMENA –Olatz monitoreak bastontzitoak busti eta usaiak eman zizkigun.

2. ENTZUMENA -Olatzek istorio bat kontatu zigun zarata batzuk atereaz: Euria,kazkabarra,zaldia,erlojua...eta azaldu zigun nola egiten zituen hots horiek.

Gero parekoari eztarrian eskua jarri eta dardara antzeman genuen hitz egiten zuen bitartean.

3. IKUSMENA: Itsuena egin genuen eta laberintoan

ibili ginen begiak itxita.Parekoari begi niniak ikusi genizkion. Begiak engainatu ere egin genituen.

4.UKIMENA:Begiak tapatu eta asmatu egin behar genuen zein pertsona ukitzen genuen.

Oso ondo pasatu genuen bisita interesgarria izan zelako.

KUTXA ESPAZIORA BISITA

Martxoak 31-ean eskolan landutako Unibertsoaren gaia bukatzeko, Donostiako Kutxa Espaziora joan ginen LH eta HH-ko 4 eta 5 urteko gelakoak. Bezperan, guk 5. eta 6. mailakoak, Unibertsoaren inguruan eginiko lana eskolako beste ikaslei azaldu genien .
Eskolatik 9:15-ean abiatu ginen eta 10:00 aldera iritsi ginen. Kutxa Espazioan 3,4,5, eta 6. mailakoak planetariumera joan ginen, 4 eta 5 urtekoak bisita gidatua egitera joan ziren bitartean eta 1. eta 2. mailakoak zentzumen tailerrera. Guri planetariumean Eguzki Sistemari buruzko bideo bat erakutsi ziguten Kartoizko espaziontzia izenekoa , 40 minutu inguru iraun zuen. Bideo horretan planeten, sateliten eta astroen ezaugarri asko ikasi genituen. Planetariumetik atera ondoren hamaiketakoa jateko 10 bat minutu utzi zizkiguten urtaroen tailerretara joan aurretik. Hamaiketakoa jan ondoren tailerretara joan ginen eta han urtaroen hainbat ezaugarri erakutsi zizkiguten eta fitxa bat ere bete genuen power point baten laguntzaz. 3. eta 4. mailakoak Uraren zikloaren tailerra egin zuten eta 1. eta 2. mailakoak planetariumera joan ziren txikiekin batera. 12:00-etan autobusa hartu eta etxera bueltatu ginen.

OSO ONDO PASA GENUEN KUTXA ESPAZIOAN!!!

PRAKTIKETAKO ELI

ELIXABET FERRERO BENGOETXEA

Otsailak 1ean etorri zen Elixabet Ferrero Bengoetxea praktikak egitera gure eskolara. Martxoak 11ean joan zen. Juxtu inauteriak tartean tokatu ziren eta asko lagundu zigun mozorroak egiten. Lesakako zaku zaharrak izan ginen eta mozorroak lan handia eman ziguten. Gelan laguntza handia izan genuen Elirekin. Martxoak 11kan opariak jaso, argazkiak atera, bakoitzari bi muxu eman eta Donostira joan zen ikasten jarraitzera. Zorte ona opa dizugu Eli eta nahi duzunean gu bisitatzera etorri!!!

3.eta 4.mailakoen partez.