TULIPANAK

 Aste Santuko oporretatik bueltan Nuriak Holandatik gela bakoitzarentzako 2 tulipan ekarri zizkigun eta lehiaketa txiki bat egin dugu , hauek landatu eta ea ze taldeko tulipanak ateratzen den lehenengo???

OPORREN BUELTAN MARTXAN GARA BERRIRO ERE

Kaixo guztioi:

Aste Santuetako oporren bueltan berriro hemen gara lan egiteko prest. Lurrarekin lotuta, uraren gaiari ekingo diogu. Baita ere, Lizartza eta Albizturkoekin harremanetan jarraituko dugu. Oraingo honetan Lizartzako eskolara joatea tokatzen zaigu, hain zuzen ere, maiatzaren 14ean. Urarekin lotuta esperimentuak egingo ditugu tailerretan banaturik.

Aste honetan eguraldi ona lagun izan dugunez, baratzarekin aurrera jarraitu dugu: Lurra prestatu, ongarritu eta letxugak, azelgak, tipulak eta marrubiak landatuz.

Asteazken arratsaldetako tailerrak aldatu egin ditugu eta oraingoan marrazketan murgilduko gara. Espero dugu azken txanpa honetan asko ikasteaz gain ongi pasatzea.

  3.zikloa.

AZKENEKO ASTEA!

Hiruhilabete honetako azkeneko astea bete-betea dugu!!!

Atzo, martxoak 23, KORRIKA TXIKIA ospatu genuen nahiz eta eguraldiak ez lagundu. Tolosaldeko Atarikoak etorri ziren eta honako bideo hau grabatu zuten. Eskerrik asko!!!

Bestalde, ostegunean, lehen hezkuntzako ikasleak Abaltzisketara NOLEGAko emanaldiak ikusi eta eskeintzera goaz. Altzotarrak, "Barrerik egiten ez zuen printzesa" antzerkia, "Xalbadorren heriotzean", "Urtxintxak oihanean" eta "Behin batian Loiolan" abestiak eskeiniko dizkiegu Abaltzisketa eta Ikaztegietako ikasleei.

Asteari bukaera emateko eta oporrei ongi etorria (iujuuuuuu!!!), ostiralean goizeko 10:30etatik aurrera, "The Wizard of Oz" eta "El aula de Tocame Roque" antzerkiak eskeiniko ditugu. Tartean, hamaiketako gozo-gozoa egingo dugu.

Besterik gabe, ONDO PASA!!!

3. zikloko ikasleak

ALBIZTURGO ESKOLARA BIXITA

Asteazkenean Albizturren izan ginen. Oso ondo pasa genuen denak elkarrekin ekintza desberdinetan parte hartuz!
Hemen argazki batzuk uzten ditugu  ikusteko zeinen ondo pasa genuen!

SONGS

On the 1st cycle, we are studying about KITES. Here we have a song about  them.

And for the theater...WE'RE OFF TO SEE THE WIZARD!

KUTXA ESPAZIO ETA TXURI URDINERA BISITA

Aurreko ostiralean, martxoak 13, goizean eskolatik autobusa hartu genuen Donostiara joateko. 10:00-etan elkartu ginen Kutxa Espazioko sarreran Albizturko eskolakoekin, taldeak egin genituen eta barrura sartu ginen. Bertan batzuk bisita gidatua egiten zuten bitartean, besteak tailerretan esperimentuak egiten aritu ziren.

Denok berriro eguerdiko 12:00-etan kanpoan elkartu ginen hamaiketakoa jateko. Berehala Albizturkoak joan egin ziren eta gu txuri urdin aldera jaitsi ginen bazkaltzera. 13:30-etan izotz pistan sartu ginen eta 15:00-k arte bertan egon ginen eta ederki pasa genuen. Jolasak eta Disko festa izan genituen, batzuk ipurdiko galantak hartu bagenituen ere bikain ibili ginen.

 

3. ZIKLOA

2015eko KIROL TOPAKETAK

2012eko  martxoak 6an Lehen Hezkuntzako bigarren eta hirugarren zikloko 25 ikasle Tolosako Berazubin izan ziren Eskola Txikietako topaketetan. Bertan kirola egiteaz gain beste eskola txikitako hainbat ikasle ezagutzeko aukera izan genuen. Eguraldi ederra izan genuen eta goiza istant batean pasa zitzaigun.

XABOI-PONPAK

Aurreko astean, eguraldi ona zegoela eta esperimentu saioan xaboi ponpak egin genituen patioan. Putz eta putz eginez ponpa handiak eta txikiak atera zitzaizkigun. Oso ondo pasa genuen! Gaur 1. 2. eta 3. ziklokoei erakutsiko diegu nola egiten diren.

ZUHAITZ LANDAKETA

Martxoaren 5ean Ollagonera  joan  ginen  arbolak   landatzera. Bidean paisaje  polit- polita ikusiz joan ginen. Haur hezkuntzakoak kotxez iritsi ziren bertara.Deskantsu txiki bat hartu ondoren, talde bakoitzak  zuhaitz bana landatu zuen.  Lanak  egindakoan Leirek eta  Karmenek   prestatutako txistor   bokadiloa   jan genuen.Jolasten   pixka batean ibilita gero, tipi-tapa  eskolara  etorri  ginen.
Oso ondo pasa genuen, bidaia ederra izan zen, eta gainera eguraldi eguzkitsua izan genuen.


                                                                              1. zikloko ikasleak

MARTXOKO EGITARAUA

 Hauek dira, martxoan izango ditugun ekintza berezien egutegia.

-5 ean zuhaitzen  eguna ospatzeko, zuhaitzak landatzera joango gara Ollaunera.

-6 ean Olinpiada txikietan parte hartuko dugu, LHko 2. Eta 3. 

zikloko ikasleak, Tolosako Berazubin.

-11 an altxorra  jasotzera  etorriko dira Galtzagorri elkartekoak.

-12  an  HH 4 eta 5 urtekoak zinera joango dira Pin eta Pon filma ikustera.

-13 an HH 4 eta 5 urtetik LH6 arteko ikasleak Kutxa Espaziora joango gara eta  arratsaldean LHko ikasleak Txuri Urdin izotz pistara  joango gara patinatzera.

-18 an Albizturrera joango gara goiza pasatzera, Lizartza eta Albizturgo lagunekin.

-23 an   korrika txikia egingo dugu Altzon zehar.

-26  ean Nolega, egingo dugu  Abaltzisketan

-27an Aste Santuko oporrak hartuko ditugu. 

3. mailako ikasleak