UDAZKENERAKO BARATZA PRESTATZEN

Oraingoan ere udazkena iritsi denez eta aste honetan egin duen eguraldi ederra aprobetxatuz,  gure baratza prestatzeko lanetan aritu gara astean zehar. Lehenik eta behin, belar txarrak kendu ditugu, gero lurra jorratu eta ongarria bota diogu eta azkenik negurako landareak sartu ditugu: eskarolak, letxugak, tipulak.... . Horrela gure baratza nahiko betea utzi dugu eta espero dugu uzta ona jasotzea, denak etxera zerbait eraman ahal izateko.

Esan behar dugu baratzeko lanetan oso gustura aritzen garela, ongi pasatzen dugula eta asko ikasten dugula.

5. eta 6. maila

ENGLISH HOMEWORK - 4TH LEVEL

Hello!!

Enter this website and do the vocabulary and grammar activities from UNIT 1.

www.oup.com/elt/trig


See you next week!

Ikasturte berriarekin, gure berri berriak...

Kaixo lagunok:

Aurtengoan, gure artean berri izango ditugunak aurkezteko asmoz zuengana hurbiltzen gara.

Batetik,zuzendaritza taldea aldatu da , hurrengo lau urtetan zuzendaria Olaiz izango da, Nuria idazkaria eta  Josebe ikasketa buru lanak aurrera eramango ditu.

Bigarrenez ongietorria eman nahi diegu alde batetik bi urteko gelan hasiko diren ikasle berriei,Alex, Nahia eta Laida eta gure artean izango ditugun irakasle berriei ere. Idoia, Larraitz eta Miren.

Alex, Nahia,Laida

Azkenik, gure proiektuaren berri eman nahi dizuegu, oraingoan IPUIAREKIN hasiko gara eta zuengana, guraso eta lagun joko dugu, laguntza eskatzera.

Ea elkarrekin ikasturte polit eta atsegina pasatzen dugun.

2. zikloko ikasleak.

ONGI ETORRI IKASTURTE BERRIRA

KAIXO GURASO MAITEOK:

1.ZIKLOKO NESKA-MUTILAK GARA ETA OSO POZIK HASI GARELA ESKOLAN ESAN NAHI DIZUEGU. ORAINDIK OSO LAN ERRAZAK EGITEN DITUGU. IGERIKETA IKASTAROA EGITEN HASI GARA ORDIZIAKO PISTINETAN. BARATZA ERE TXUKUNDU DUGU ETA KALABAZINA BILDU.

                              AGUR GURASO MAITEOK ETA HURRENGORA ARTE. 

           ONGI  ETORRI BESTE GURASO              GUZTIOI ERE.

MARRAZKI BIZIDUNAK

Kaixo:

L.H. 1.go zikloko haurrak altzoko erraldoiaren istoria marrazki bizidunetan egin dugu plastika eta musikako gaietan. Hiruhileko honetan zinea proiektuari lotuta aritu garenez, ilusio handiz aurkezten dizuegu. Estreinaldia eskolako azken egunean egin genuen, baina, guraso asko ezin izan zinetenez gerturatu hemen zintzilikatu dugu.
Espero dugu gustokoa izatea.

ALTZOKO HANDIAREN ISTORIOA MARRAZKI BIZIDUNAK

ANTZERKI TOPAKETAK LEGORRETAN

Ekainak 12n arratsaldeko 5etan, 2. zikloko ikasleak Legorretan ospatzen den XIII. eskola antzerki topaketan parte hartu zuten.  "Diruak Sendatu du" antzezlana eskeiniz. Ikasleak, urduri joan baziren ere, gero ondo pasatu zutela esan dute eta gu oso harro gaude egin zuten lanarekin.

ESKOLAKO FESTA

Aurtengo ikasturtea amaitzear dagoenean zuengana jotzen dugu gonbidapen bat luzatzeko asmoz. Hurrengo larunbata hilak 15, eskolako festa izango dugu, eskola azpiko lokalean. Goizeko hamaiketan emango diogu hasera emanaldiari. 

Egitaraua:

- Aurkezpena.

- Ilusio handiz, denon partehartzearekin egin dugun Dokumentala.

- Kantaldia.

- Hurrengo ikasturtean, gurekin izango ez diren, ikasle eta irakasleei agurrak.

Ondoren elkarrekin bazkaltzeko aukera izango dugu, bazkalondoko tertulia goxo batekin. Bertan elkar ikusiko garelakoan.

Eskolako irakasle taldea.

Altzotarrak Gipuzkoak kantu txapelketan

http://youtu.be/pfdT-uhkpb4

Bideoa ikusi nahi baduzue klikatu hemen goian.


Maiatzaren 25ean Gipuzkoako Kantu txapelketan parte hartu genuen 1. eta 2. zikloko ikasle batzu, Villabonan, Egunsentia kantuarekin, eta oso ondo atera zitzaigun. Primeran pasa genuen.

ESKETX GRABAKETAK

Maiatzak 20tik 24era esketx grabaketak egin ditugu, eskolan grabatu behar dugun dokumentalerako. Aiton amonek garai bateko erromeriko, elizako, jolasetako, baserriko eta eskolako kontuak kontatu zizkiguten, eta guk irudikatu egin ditugu. Eguraldi txarra egin digu aste horretan eta hotz handia pasa dugu.
Asteartean erromeria eta eliza grabatu genituen, ostegunean jolasak eta baserria, eta ostiralean Legazpira irteera bat eginez eskola grabatu,eta amaitu gabe genituen eliza eta jolasak bukatu ditugu.

Legazpin, garai batean bezala atondutako ikasgela bat ikusi genuen, (hau eskolak grabaketak egiteko aprobetxatu genuelarik) bertan Olatz izeneko gidari batek garai bateko kontu zaharrak kontatu zizkigun.

Hau guztia aurrera eramateko gurasoei eskertu beharra daukagu:
Leire eta Edurneri orrazteagatik, Iñigo eta Lierniri kamararekin grabatzeagatik, Ana Mariri baserrikoei laguntzeagatik eta guraso guztiei  arropa lortzeagatik.

ALTZOKO TIPUL ZINEMA

2. hiruhilekoan zinea proiektuarekin lanean hasi ginen, 3. hiruhilekoan proiektuarekin jarraitzeko film hauek ikusi ditugu.

Mary Poppins:

1.eta 2. zikloko ikasleak ikusi genuen, musikala da.

Familia aberats batek zaintzaile bat  kontratatu  zuten 2 umeak zaintzeko.

Zaintzaileak Mary Poppins izena zuen, eta botere magikoak zituen. Abentura asko pasa zituzten elkarrekin.

Gehienei asko  gustatu zitzaigun.

Martina eta sagutxoak:

4 eta 5 urtekoak ikusi zuten Leidorren, apirilaren 17 an.

Komedia eta abenturazkoa da.

Hiri batera joan ziren Malen eta  sagutxoak, eta han Suzi ezagutu zuten, bertan bizitako abenturak kontatzen dira.

El mago de Oz:

1., 2. eta 3. ziklokoek ikusi genuen 2013-05-15ean. Musikala da.

Baziren behin Dorita izeneko neska bat eta Toto bere txakurra. Zurrunbilo batek mundu magikora eraman zituen. Orduan, neskak bere etxerako bidea bilatu nahi zuen, eta “ciudad Esmeraldara” abiatu ziren Oz magoaren bila. Bidean, pertsonaia berezi batzuk ezagutu zituen.

El niño con el pijama de rayas:

3. ziklokoek ikusi zuten, 2013-05-07an. Dramatikoa eta historikoa da. Hala ere aurretik liburua irakurri zuten.

Mundu ezberdinetako bi umeen arteko harremanak kontatzen ditu.

Polita iruditu zitzaien, nahiz eta liburua gehiago gustatu.

TINTIN  Y EL SECRETO DEL UNICORNIO:

1. eta 2. ziklokoak ikusi genuen maiatzak 10 eta 13an.

Abenturazko pelikula da.

Pirata batzuen altxorraren inguruan doa.

Batzuei asko gustatu zitzaien baina beste batzuei ez hainbeste.

EL REY LEON:

Haur hezkuntza eta lehen hezkuntzako 1. zikloko ikasleak ikusi dute.

Animazio filma da.

Protagonista zen lehoiari aita hiltzen zaio eta oihaneko errege izan behar du lehoi txikiak.

Oso gustukoa izan zen.

  

ESKOLA TXIKIETAKO DOKUMENTALA:

 Eskola txikietako dokumentala gurasoek eta irakasleek ikusi zuten,  ondoren kafe tertulia eginez.

Eskola txikietako funtzionatzeko moduaz aritzen da.

Oso gustora egon ziren.

YO TAMBIÉN

"Yo también" pelikula 3.ziklokoak ikusi zuten.

Pelikula dramatikoa da.

 Pelikula horretan sindrome de down zuen gazte batek ikasketak egin ondoren lanean maitemindu egiten da eta bizi dituen gorabeherak azaltzen dira.

Batzuei asko gustatu zitzaien baina beste batzuk ez ziren gustura egon. 

TIEMPOS MODERNOS

1., 2.eta 3. ziklokoek ikusi genuen. Pelikula honen generoa komedia da.

Lanean arazo desberdinak izaten dituen gizon baten goraberak kontatzen dira bertan.

Gure ustez polita da.

FRANKENWEENIE

3. eta 4. mailakoak ikusi genuen. Pelikula hau animaziozkoa eta beldurrezkoa da.

Txakur bat istripuz hil egin zen eta bere jabeak berpiztu egin zuen. 

Guri asko gustatu zitzaigun.

DUMBO:

 HH. koek ikusi zuten pelikula hau.

Animazio generokoa da.

 Dunbo elefante txiki  bat da eta bere  belarriekin egiten du hegan.

Asko gustatu zitzaien.

GREASE

5. eta 6. mailakoek ikusi zuten genero musikaleko filma hau.

Neska bat eta mutil bati buruz doa, maitemindu egiten dira.

Gehienei gustatu zitzaien.

3. eta 4. mailako ikasleak.