GUREAKERA BISITA

Azaroak 5, asteartea, autobusez tolosako GUREAK lantegira joan ginen 5. eta 6. mailako ikasleak. Lantegi honetan ezgaitasun baten bat daukaten langileak egiten dute lan. Gipuzkoan guztira 4000 langile inguru daude era honetan lanean Tolosako honetan zehazki 120 inguru.

Iritsi ginenean, ongi etorria Jokinek eman zigun eta  berehala lantegi honen aurkezpena egin zigun grabazio baten bidez. Ondoren, Lurdesek ( gureakeko langile batek ) komiki baten bidez  hango lan egun arruntak nolakoak izaten ziren erakutsi zigun, Jokinen laguntzaz. Galdera batzuk egin eta gero, tailerra ikustera eraman gintuen eta han ibilgaiuentzat zenbait osagai ( kable ezberdinak ) egiten dituzte gehien bat. Hauen lana nahiko zaila da, gutako batzuk probatu genuen eta ez zitzaigun batere erraza egin.

Tailerretik ateratakoan, hamaiketako goxoa eskaini ziguten: txokolatea eta bertan egindako ogia, Sutondo enpresan hain zuzen ere. Jarraian, berriro gelara joan ginen eta bertako beste 3 langileekin ( Maite, Iñaki eta Iñaki ) solasaldian ibili ginen eta gauza asko kontatu zizkiguten. Bukatzeko, jolas kooperatibo bat egin genuen denon artean.

Irteera hau interesgarria iruditu zaigu eta konturatu gara nahiz eta ezgaitasunen bat eduki pertsona guztiok berdinak garela eta gai garela gauza asko egiteko... NI ZU BEZALA!!!



5.6.maila