2015-eko maiatzaren 29-an, Altzo, Alegi, Ikaztegieta, Amezketa eta Abaltzisketako 5. eta 6. mailako ikasle eta irakasleak elkarrekin Orendainera joan ginen. Guk berez, Alegikoekin batera oinez joan behar genuen baina euria ari zuenez Altzokoak kotxez igo ginen. Hamaikak aldera iritsi ginenean hamaiketakoa egin genuen, txilibitua jotakoan denak jolasetan hasi ginen. Bost talde ezberdin zeuden: A, B, C, D eta E, jokoak hauexek ziren; Pelota, futbola, zapiketan, brileta eta baloi eseria.
Ordubata eta laurden inguru jokoak bukatu genituen eta bazkaltzen hasi ginen, euria ari zuenez frontoi barruan bazkaldu behar izan genuen. Lagunak egin genituenez beraiekin bazkaldu genuen eta gelditzen zitzaigun denboran jolasean ibili ginen. Ordubiak aldera Alegikoekin batera oinez Alegira jaitsi ginen, bertan kotxeak zain geneuzkan Altzora igotzeko.
EDERKI PASA GENUEN EGUNA!!!
No hay comentarios:
Publicar un comentario