ASTE SANTUKO OPOR ONDOREN BERRIRO LANEAN

Apirilaren 24an Aste Santuko oporretatik bueltan, serio hasi gara lanean hiruhileko motza delako. Apirilak 23an liburuaren eguna ospatzen denez, hurrengo egunean eskolan ere ospatu genuen bikoteka elkarri liburuak irakurriz. Oso ekintza polita iruditu zitzaigun eta ederki pasa genuen.

Aste honetan, asteazkenean, eskola guztiko ikasleak (2 eta 3 urtekoak izan ezik) Ama Lurra proiektuarekin lotuta bi irteera egin ditugu:
 HH eta 1.2.eta 3.mailakoak Urretxuko Aikur erle museora joan ziren eta bertan erleen bizitza nolakoa den, erlauntzako produktuak zeintzu diren eta erleek ekosisteman duten eragina azaldu zieten, aukera izan zuten baita ere, bakoitzak kandela bat egiteko. Horrela, etxera  itzuli ziren bere kandelatxoa eta ezti potetxoarekin.

4.5.eta 6.mailako ikasleak Ezkio-Itsason dagoen Haristizabal baserrira joan ginen. Bertan gariaren inguruko azalpenak eman zizkiguten eta jarraian ogiaren prozesu guztian parte hartu genuen: garitik hirina nola ateratzen den, orea nola egin, forma eman, labean sartu... Prozesu guztiak ia sei ordu inguru iraun zuen. Tarte horretan gailetak egin genituen, bazkaldu egin genuen eta ondoren ganbarako laberintora joan ginen jolastera. 
Ogia zein gailetak egiterakoan erabilitako osagai guztiak ekologikoak eta bertakoak ziren. Guztia bukatu ondoren eskolara etorri ginen bakoitza bere ogia eta gaileta zorro batekin. Ederki pasatzeaz gain, izugarri ikasi dugu eta konturatu gara zein garrantzitsua den bertako produktuak erabiltzea gure elikadura zaintzeko eta osasuntsu egoteko.

 EGILEAK: 3.zikloko ikasleak.

Erleen bizitza nolakoa den, erlauntzako produktuak zeintzuk diren eta erleek ekosisteman zein garrantzia duten azalduko dizugu